Tur cos a cuminsa alrededor di 9:40 pm ora cu bisiña a bati alarma p’un cas na candela den e area di Sabana Liber. Huma a cuminsa penetra den cas di diferente habitante. Mirando cu ta trata di un cas riba un sero, por a sinti e holor for di Shaba caba. Na yegada di polis a constata cu ta trata di Sero Janchi 64 ta na candela.
A bay mesora den accion pa combati e candela aki. E no tabata facil mirando cu for di e dak e candela a cuminsa y a expande den gran parti di e cas. E momento ey no tabatin ningun hende na cas sinembargo, tin un hende homber ta biba ey. Probablemente e no ta na altura ainda cu e cas a kima.
Polis a cera caminda p’asina e bomberonan por traha libremente y combati e candela. No ta un situacion bunita ora bo cas kima. Probablemente lo pidi slachtofferhulp pa yuda den e momentonan dificil aki.
