Desde cu Coronavirus a bati na porta di Aruba, manera completamente rond mundo, diferente caso a bin padilanti. Den e prome ola Aruba a conta cu 102 caso y un crecemento stabiel. A logra contene esaki te ora cu a habri frontera bek.
Aki a cuminsa mira un crecemento drastico y alarmante pa un comunidad di 110.000 habitante. E crecemento a cuminsa poco poco, pero despues di e ultimo testnan e cantidad di contagio a subi lihe. Diabierna dia 7 di augustus, Aruba a conocemento drastico di 133 caso positivo. Pero desde diasabra e cantidad di caso positivo a cuminsa baha, unda esaki a baha na 113 y diadomingo 54 caso positivo. Esaki ta pone cu awo tin 563 caso positivo.
Na e momentonan aki tin 435 caso activo den e residentenan, mientras cu pa esnan no residente ta 11. Tin mas di 103 persona cu a recupera, pero pa por a diagnostica nan di no tin mas Covid-19, cada persona mester a test negativo dos biaha. Tin un lista largo di hende cu ta warda pa por haci test pa haya sa si e cantidad di caso lo subi of baha.
Gobierno di Aruba hunto cu e crisis team a bin cu diferente protocol p’e normal nobo y tur esaki ta pa preveni contagio tanto residente como no residente. Den e grafico aki por mira con e crecemente di contagio a cana, unda cu e proma ola tabatin un crecemento stabiel, pero den e di dos ola esaki a crece drastico den par di dia. Den dos dia e cantidad di contagio a baha, pero ainda mester warda resultado di e otro dianan cu ta bin.
