Den un carta manda pa Prome Minister demisionario mr. Evelyn Wever-Croes, el a comenta di a lesa den medionan di comunicacion cu e minister di husticia a anuncia compra di dos pickup di luho pa Guarda Nos Costa.
Segun e minister, esaki ta necesario pa brinda servicionan necesario pa sigura nos fronteranan.
E pregunta cu Wever tin ta si desde 2018, Guarda Nos Costa no ta encarga exclusivamente di transporta migrantenan ilegal, y por lo tanto, ya no ta realisa controlnan di frontera? Si ta asina, kico ta e balor agrega di otorga e pickupnan aki na Guarda Nos Costa? A pidi varios presupuesto, ya cu ta existi versionnan mas barata riba mercado local den e caso cu mester di uno? Ta considera e compra aki un inversion? Specialmente den e temponan dificil aki cu e pais ta pasando aden, esaki ta manda un señal robes afo, ta loke cu Wever a indica den e carta.
Ademas, conforme di e ‘Comptabiliteitsverordening 1989’, no por haci inversion si e presupuesto NO ta aproba! Ta considera por lo tanto cu e accion aki ta ‘Integro’ di parti di e minister of di e gobierno?
Loading…
Reload document 
Open in new tab Minister Bikker a compromete pais Aruba financieramente sin ta autorisa pa esaki. No ta un acto cu por persiguie? No ta su tarea di declara esaki na belasting? Segun medionan di comunicacion, e compra aki ta paga cu ayudo Hulandes, destina na e refugiadonan di Venezuela. Esaki ta berdad?, e politico ta puntra. Bureau Rampenbestrijding Aruba, cu ta administra e fondonan aki, a duna su aprobacion p’esey?, Wever ta cuestiona.
Mirando esaki, ta considera fo’i su luga cu mester hala e decision di e minister di husticia atras di e compra di e dos pickupnan aki di luho, manera cu a sosode ultimamente cu e decisionnan di e minister di husticia y di educacion? Sin duda, esaki lo ta un merito pa e prome minister saliente, vooral teniendo na cuenta cu semper a duna gran importancia na integridad y cu e ‘integridad’ parce ta e punto central di e formacion di e proximo gobierno, cu e decision aki mester ta hala aden, Wever a bisa den su carta na prome minister demisionario.
