A pidi presencia di brandweer cu poco urgencia pa bin brinda nan servicio pa un candela di mondi cu tabata menasa un cas den cercania. Esaki a tuma luga na Piedra Plat parti patras di Smart System den mondi.
Esaki ta sosode den careda di 1:00 pm ora cu polis a presenta y topa cu un candela di mondi birando grandi y menasando un cas cu tabata masha cerca di e candela. Bomberonan a drenta den accion mesora na yegada y domina e situacion rapidamente. E motibo inicial di e candela no ta conoci pero ta algo cu comunidad tin cu tene na cuenta mastanto den e diana aki cu ta temporada di klapchi.
