Diadomingo, dia 26 di Augustus, lo bay tin campeonato di bodybuilding amateur y profesional, organisa pa Aruba Bodybuiding & Powerlifting Association (ABPA). Lo bay tin por lo menos 14 pais lo participa den e categoria amateur parti mainta, mientras cu lo bay tin 24 pro card. Esun cu gana, lo pasa pa atardi hunto cu e profesionalnan pa mira ken lo bira campeon di e competencia e dia ey. E diasabra prome, esta dia 25 di Augustus lo bay tin pisamento, pa despues sigui diadomingo cu e competencia, cual lo cuminsa for di 10’or di mainta, te cu anochi. Lo bay tin premio y placa en efectivo pa e top 3 nan. E evento lo tuma luga den Ballroom di Marriott Aruba Resort y entrada lo ta 100 florin prebenta y na porta e lo ta 125 florin.
Bin apoya nos atletanan local, entre otro Giovanni Arendsz, kende ta conoci caba den e mundo di body building local y tambe internacional. Nos ta wardabo na Marriott dia 26 di Augustus.
