Diasabra anochi algo prome cu 11or bisiñana den Wayaca Residence a bati alarma pa candela. E candela a start den e di dos piso di un cas na Wayaca 316.
Bisiñanan a hala atencion mesora di e habitante cu tabata ta wak television den e prome piso. A coy hos di jardin pa yuda combati e candela mientras cu bomberonan tabata yega na e sitio. Polis a cera caminda, bomberonan a yega un rato despues.
Cu trapi bomberonan a logra subi e di dos piso di e cas pa combati e vlamnan cu a yega halto. Tur cos den e camber a bay perdi. Tecniconan di N.V. Elmar a kita coriente pa siguridad.
E cas ta habita pa un famia Mericano cu ta bin Aruba pa pasa algun siman vakantie riba nos isla. Kico ta e causa exacto di e candela no por a determina mesora, ta sospecha kortsluiting. Dos truck di bombero a asisti den e candela aki.
