Un buskeda masal a start diasabra anochi riba e pista of tereno di airport pero tambe pafo di e cura. Cinco ilegal a huy. Tin ta bisa cu a miranan core bay riba pista.
Patruyanan di tur distrito a core yega y drenta tereno di airport for di diferente entrada. Pafo a logra gara dos banda di Aerorcargo. Paden finalmente no a haya nada despues di casi dos ora di buskeda. Polisnan cu a haya e melding a core bay na GNC pero nan mes no tabata sa.
A core chek y asina e personal di GNC a confirma cu berdad atrobe a huy y ta cinco hende. A kibra plafond y dak pa logra huy. E dosnan cu ainda falta ta dos Venezolano y un Colombiano.
Na GNC tin hende cera algun luna caba y nan ta rebeldia pasobra kier pa deportanan bek pa nan pais. E situacion ta peligroso pa e personal di GNC cu no por defende nan mes pasobra no tin ningun ekipo di seguridad. Cada biaha ta Polis mester bay yuda calma y hinca e ilegalnan bek den cel. Minister Andin Bikker ni sikiera tin e poder pa regla riba nivel diplomatico e regreso di e hendenan aki bek pa Venezuela. Tristo pero asina ta. Mientrastanto e tension ta sigui subi y nos pueblo mester keda cria e hendenan aki cu cuminda tres biaha pa dia. Mescos awor a core huur of cumpra trailer bieu pa cera ilegal na Dakota un e prison tabata. Placa pa complace e hendenan yega na e ex minister cu ta sospechoso y e minister di husticia mes no sa ta di ken.
