Diamars mainta pa mas of menos 9:15 am, a drenta un melding na oficina di City Inspector cu tin un frishider tira cant’i caminda y cu tin algun sushedad adicional.
Bureau City inspector a manda patruya pa bin mira e situacion y despues di esey a yama ploeg di Serlimar pa bin recoge esaki na Santa Lucia caminda tur e sushedadnan aki ta.
Pa sorpresa di e ploeg, nan a bin mira tur e sushedad plama n’e tereno, caminda cu sigur nan a sigui traha riba esaki, treciendo Bureau City Inspector cu tin un cantidad grandi di sushi tira.
Di parti di Bureau City Inspector, relacionista publico Robby Rosel durante un rueda di prensa a indica cu esaki ta un mal hecho, caminda cu ciudadano nan ta drenta den mondi y tira sushi. Segun Rosel, esaki ta hende di bario mes cu ta haci esaki. Pa motibo cu tin cu trata pa tene nos Aruba tur dia ta haya melding di sushi na gran escala cu ta asotando Aruba ultimo tempo.
Mester corda cu tin un dump caminda cu por bay tira sushi. Ta huur un baki tambe fo’i Serlimar, caminda cu nan ta trece esaki, entreg’e na cas pa asina por tira tur sushi aden.
Ta duna e facilidad pa haci esaki. Serlimar t’ey pa duna e facilidad p’e baki di sushi y nan mes ta transport’e pa dump. Tambe ta bon si e ciudadano di su propio transporte (pickup), cu e por hiba e sushi pa dump.
Pa cobertura mas amplio lesa edicion di TREMPAN mañan.
