Bukinan ta keda riba caya. Tin hende ta trece, tin biaha no. Esey no mester ta un motibo pa impedi pa sigui cu e trabao. Pero semper ta keda cu un apelacion, principalmente cerca e studiantenan cu ta bay afo, cu no ta bay haci.
Tin biaha e druk no tey mas, e no ta ni disponibel pa por cumpre. Esey ta e parti fastioso tin biaha, vooral si ta un buki cu ta poni riba e lista cu ta obligatorio pa lesa.
Demanda
Tin diferente buki cu tin demanda riba nan, vooral e bukinan cu no ta herdruk mas, cu ta bukinan di examen y cu ta lesa hopi. Semper ta keda haci un apelacion riba e studiantenan pa trece e materialnan bek pa nan no tin nodo di perhudica otro studiantenan cu si tin mester di e material tambe.
Activo pa buscamento di buki
Biblioteca ta activo den e sentido cu ta ofrece cu no tin nodo di paga e boet, basta cu por haya e material bek. Nan ta wordo yama si ta mira cu tin registra cu ta tal persona tin e buki, pa por trece e buki bek. Ta keda haci e apelacion ey.
Bukinan nobo
Tin loke ta yama e bibliotecaria encarga cu adkisicion. E ta un di nan cu ta pone su criterianan pa loke ta cumpramento di buki. Esey ta wordo haci mayoria parti via di nan librerianan local, cu ta cumpra for di nan. Entre nan tur ta ordo for di afo.
Tin biaha biblioteca ta haya donacion di buki, escritornan cu ta bin cu ta entrega algun ehemplar. Despues biblioteca ta adkiri e ehemplarnan, pasobra tin tanto Playa com San Nicolas. Mester por, segun Britten. Tambe nan ta sostene e bibliotecanan escolar tin biaha cu un coleccion cu nan ta yama un Wisselcollectie, cual nan ta uza e bukinan pa e metanan ey.
