Diabierna ultimo a tuma luga un presentacion caminda cu Marilyn Alcalla-Walle, a presenta su buki ‘E cilinder magico’ na Departamento Arubiana di Biblioteca Nacional, situa den Bachstraat. E publicacion aki ta duna un splicacion di e instrumento ‘Cah’i Orgel”, su historia na Aruba y tambe e informacion di e personanan cu a traha y a toca Cah’i Orgel.
Den e presentacion aki, Alcalla-Walle a comenta cu e publicacion ta haci conhuntamente cu varios escritor Arubiano. Ta trata aki di un publicacion cu a tuma un inversion di un aña. E buki aki ta conta historia di introduccion di Cah’i Orgel na Antia Hulandes pa Horacio Sprok, sigui pa Rufo Wever na Aruba y tambe tur e pioneronan cu a sa di mantene e cah’i orgel bibo, hunto cu tur su folklore y tur loke ta ritual rond di dje, manera no solamente e cah’i orgel, sino tambe e wiri, e bailenan cu ne. Ta purba di concentra riba tur e diferente aspectonan.
Pa mas cobertura lesa TREMPAN.
