Extra vakantie: Colegio EPI ta cuminsa duna les te otro luna

Den cuadro di e aña escolar nobo 2022-2023, Colegio EPI su prome dia di les oficial lo ta riba 5 di september 2022. Compara cu mayoria scol cu ta scol ta cuminsa regular e siman aki mes. E studiantenan tin cu tene cuenta cu diferente factor.

Pa e studiantenan di prome aña:

Durante e siman di 22 augustus pa 26 di augustus 2022 y di 29 di augustus pa 1 di september; e studiantenan lo participa na dos siman di orientacion y di training na scol. Riba 2 di september e studiantenan ta ricibi un dia liber.

Pa e studiantenan di dos, di tres y di cuater aña:

E studiantenan lo ricibi dos siman y mey extra di vakantie, pa cual nan prome dia di scol oficial lo ta 5 di september. Durante e simannan nos dilanti, e scol lo manda e rooster oficial pa tur studiante. Ta corda tur studiante pa cumpli cu nan obligacion di pago di ‘schoolgeld’ prome cu e fecha di 5 di september.

E aña aki tambe, Colegio EPI ta celebra nan di binticinco aña academico, apart di esey, e studiantenan di prome aña lo conoce algun cambio den diferente sector cu programa nobo cu lo start tambe riba prome dia di scol.