Diahuebs anochi Brazil Taekwondo Stichting a eligi un directiva nobo. A scoge Alberto Klaber un biaha mas como presidente. Michaëllo Martilia vice-presidente. Secretaria Danica Delamore. Penningmeester Josefa Willems. Bestuurslid nan ta Judith Nassy, Dianne Ponson y Fhilia Caines Faria. Willy Willems lo keda como auditor.
Durante di e reunion Michaëllo Martilia a presenta e color blauw y cora pa e uniform di Brazil Taekwondo Stichting. Un bon idea pa cambia di e color cu tin, uza pa hopi aña. Michaëllo Martilia a sugeri pa cambia pa polo ‘dry fit’.
Fhilia Caines lo busca dos color pa asina e directiva dicidi riba cua color lo bay uza pa aña 2022. Durante e anochi a finalisa e idea p’e cena di pasco y e intercambio di regalo. Na luna di december ta bay tin examen pa faha di color pa e miembronan nobo. Lo warda te ora cu aña bolter pa traha un plan di actividad pa sigui cu actividad pa recauda fondo pa e atletanan por biaha. Un di e plannan ta pa hiba e muchanan Korea. Dia 18 di november lo tin reunion pa sigui cu lotjes pa finalisa e cena di pasco.
