Diadomingo anochi, despues di 8:00 pm, tanto unidad di bombero como diferente unidad policial a presenta na un cas den Tanki Leendert, esta den Caya Erasmus, p’un candela.
N’e sitio e bomberonan y polis a drenta paden di e cas pa tuma dato di e situacion. Supuestamente e cas aki lo tabata na candela. E bomberonan a revisa e parti paden pa haya sa kico exactamente a tuma luga.
N’e parti pafo tin un grill y ta mustra cu algo a bay robes. E bomberonan a controla e grill y no a topa algo inusual.
Como cu e situacion tabata bou control, polis a bandona n’e sitio mientras cu e personal di bombero tambe a haci mesun cos.
