Tin un paar di sugerencia segun Randall Croes di KVK riba e asunto di pikimento di sushi. Na principio, cu dia a cuminsa recoge sushi, pa gezaghebber Isaac Wagemaker na 1928, gobierno a cumpra truck, gobierno a paga hende, a paga full.
Tabata e pakete di nos impuesto ta haya polis, meneer di scol, caminda ta wordo drecha y ta recoge sushi.
Pa añanan largo, durante mey siglo, gobierno a logra pag’e. Pero kico a pasa cu e placa ey cu tabata bay pa esey. Gastonan ta keda subi, awo ta yega na un punto cu tin cu paga pa e servicio.
Pa duna un ehempel, ta mescos cu ta huur un cas, e doño di cas ta haya su aumento cada tanto tempo. Despues di algun tempo e ta bisa cu e placa no ta yega y cu lo cobra pa uzo di e garashi di cas. Abo ta bis’e cu ta huur e cas pa 10 aña y e placa ta pa huur henter e cas, dicon ta paga pa haci uzo di algo.
Preferibel pa no tin un cobramento pasobra ta di dia historia a cuminsa recoge sushi, gobierno a paga pe y hopi medida di añanan 70, 80 y 90, tabata tey pa yuda cubri e gastonan, entre otro pa yuda recoge sushi.
Tarifa
Tin diferente sugerencia. Ban introduci statiegeld. Statiegeld ta haci cu negoshinan, famianan y personanan lo recoge gran cantidad di sushi, bay na un caminda cu por entreg’e y haya placa bek. Henter Europa tin’e. Ta bay na un mashin den supermercado, ta hinca boter di plastic, ta scupi un poco Euro, ta piki’e y ta bay cun’e. Esey ta reduci e gasto di recogemento di sushi di Serlimar. Pa Gobierno su gasto ta baha y por yuda tarifa bira menos.
Dicon
Ta haya hende voluntario cu no tin un trabao fiho, pero si e coy su pickup bay cas pa cas recoge sushi, e ta duna nan placa y e ta bay entreg’e y ta haya un margen di ganashi y e tin un negoshi. Esey ta reduci e volumen di sushi den e bari di Serlimar. Esey ta algun sugerencia.
Otro cos ta cu por separa e sushi mas tempran. Na cas introduci barinan di tres diferente color y laga hende separa e sushi den cushina y den oficina. Ora cu Serlimar recoge, e ta bay cohe cu frecuencia, ta pidi e bari blauw unda e tin bleki, bari cora ora e tin glas y bari di otro color, ora tin otro cos. Di biaha un truck ta pasa recoge bleki, otro ta recoge botter y di biaha ta get rid di dje, scapa e problema di separa sushi. Bo ta baha bo gasto. Tin cu deal cun’e manera un negoshi.
Otro sugerencia ta cu si mester paga den algun manera pa e tamaño di cas of cantidad di hende cu ta biba eynan. No ta husto pasobra ta gana mas, tin pa paga mas pa un producto. Djis pasobra ta produci mas placa, ta paga mas pa un producto. Impuesto cu ta costa mas pa hende cu ta gana mas of menos, ta pa motibo cu hopi hende cu ta gana mas, tin un negoshi cu ladron ta horta aden y polis tin cu bay pasobra a horta e negoshi. Esun cu ta biba den un apartamento chikito, no ta costa den siguridad mucho hopi. Ken ta percura pa abogado tin cliente. Un bon gobernacion, un bon economia ta percura pa tin hende cu ta bon cliente. E dokter tin pashent, pasobra gobierno ta percura pa, esta esun cu ta gana mas, pasobra gobiernot a ocupa pa e economia cu ta funciona, ta gana mas. Pero sushi ta un producto. Eynan por hinca progresividad y ta prefera pa cobr’e pa persona, 20 florin of tur municipalidad pa mundo, ta cobra pa cas, un suma fiho.
Camara di comercio ta kere cu tin miho forma si papia di e manera aki, wak Serlimar su servicio como un servicio di un producto y no un impuesto di mas bo ta gana ta bay cobra mas. E relacion di cuanto sushi bo ta traha y ki diploma bo tin cu b’a haya un miho trabao of bo negoshi ta produci mas, ta wak’e directo.
No ta causa mas sushi pasobra bo tin un diploma of un miho salario.
90 florin ta un suma caro, vooral si ta tuma medidanan di impuesto caminda cu 1000 florin riba cada adulto riba cada belasting.
Bracket
E bracket por ta mucho halto. E por ta mas abao y e gasto por ta cu Serlimar ta cobra nos tur y ta subcontrata e recogemento di sushi. Por ehempel tin clientenan di Ecotech cu ta paga menos 50 florin pa luna. Dicon nan tin cu paga mas si nan tin un alternativa barata. Laga Serlimar bisa cu e compania priva recoge, Serlimar ta cobra e cliente y ta paga. Y e ta gana un margen di ganashi. E ora bo por laga competencia, laga e servicio keda optimal, tanten cu Serlimar ta paga tur e hendenan cu ta recoge sushi p’e y ta gana un margen di ganashi y e mes ta participa den e negoshi. Tin hopi cos cu por haci riba e idea aki, cu nan ta purbando pa bin cu un solucion. Ta aprecia cu kier bin cu un solucion. Pero lo ta bon pa wak’e na un manera corporativo.
Bo tin cu relacion’e cu kico ta e gasto cu ta causa como hende cu ta costa mas. Bo cas ta mas grandi, bo tin mas hende ta biba na bo cas. E no ta bon pasobra bo ta gana mas, ta causa mas sushi. Si bo kier pa schoudernan hancho carg’e, por ta e progresividad ta mucho halto. Por ta bo ta bisa bo tin cas mas grandi, bo ta paga mas, Randall Croes a splica.
