Diasabra anochi a tuma luga e di 4 wega den e campeonato estilo “Best out of 7” entre Boston Red Sox y Los Angeles Dodgers den stadion na LA. E wega, a keda den su mayoria empata, pero ora Yasiel Puig di Dodgers a conecta un homerun cu base yen y hiba su team na un diferencia di 4-0 contra Red Sox ta sinti cu e ora ey e presion di wega a drenta.
E ekipo cu tabatin 2 wega gana y 1 perdi a “bounce back” y a gana e wega finalmente cu score di 9-6, lagando Red Sox un wega leu di por titula campeon atrobe di World Series di Baseball.
E stadion den cual e di 4 wega eliminatorio di World Series a tuma luga na Los Angeles a conta cu un publico di riba 54 mil persona. Esaki sin tene cuenta cu e miyones di televidentenan cu a sigui cada detaye di e wega na nan cas of den negoshinan rond mundo.
