Pa Seadrill Partners, un di e incertidumbrenan reciente, tabata e destino di e drillship West Capella. Segun seekingalpha.com, di acuerdo cu e status report reciente di e flota cu a worod publica, West Capella lo tabata programa pa traha pa Repsol for di Januari 2018 pa Maart 2018.
Despues di esaki, e compania Malayo di petroleo Petronas, tabata tin opcion pa emplea e drillship for di Maart 2018 pa September 2018. E asunto ta importante pa e valuacion di Seadrill Partners, cu tin 4 drillship, 4 semi-sub, un tender rig y dos barge. E diferencia den balor entre un stacked rig y un working rig ta significante, asina pa mantene un rig trahando ta hopi importnte.
Finalmente nos sa di e destino di West Capella. Seadrill Partners a anuncia cu West Capella a haya un contracto cu Repsol pa drill offshore na Aruba. E contracto ta pa un pos di exploracion y tin un backlog calcula di 6.4 miyon dollar. E duracion exacto di e contracto no a wordo reporta, pero ta mustra cu e dayrate ta rond di 150 mil dollar, cual ta den liña di loke nos por mira pa drillshipnan awendia. Obviamente Repsol ta satisfecho cu e trabao cu West Capella tabata tin, ya cu nan lo ta biahando for di Gabon, Africa.
No ta conoci si Repsol lo ta pagando pa e costonan di biahe. Tabata tin un tempo cu companianan di petroleo regularmente tabata paga pa e tarifanan di mobilisacion, pero cu e abundancia di suministro cu e rig tin, hopi biaha ta dificil pa un driller haya un cen preto pa e biahe. Companianan di petroleo ta conciente con hopi rig ta buscando trabao y ta pusha duro pa tin hopi bon terminonan di contracto pa e drillernan.
