E organisacion WWF (World Wide Fund), ta realisa tur aña Earth Hour (Ora di e Planeta) #HuntoTaPosibel #OraDiPlaneta.
Diasabra, dia 24 di Maart 2018, e principal monumento y icononan di mundo lo paga nan luz entre 8’or y mey y 9’or y mey di anochi (ora local di cada pais). E iniciativa aki ta convoca como cada aña na e habitantenan di henter mundo pa paga luz durante un ora pa tuma conciencia riba e efectonan di e cambio climatico riba nos planeta.
Pero, vooral, ta un oportunidad cu nos tin pa realisa accionnan individual y colectivo den nos bida diario cu ta proteha e ambiente. E accionnan cotidiano aki ta loke por converti nos den heroe: paga luz ora cu nos no tin mester, core bicicleta na luga di core auto of desconecta aparatonan electronico ora cu nos no ta uza nan.
E iniciativa aki a cuminsa na Sidney, Australia, na 2007 y a convoca dos miyon di persona. Shete aña despues, na 2013, ciudadanonan den mas di 7000 ciudad di 153 pais di tur continente, incluyendo Antarctica, a pasa nan luz. Mas di 1300 minumento y edificionan emblematico a keda den scuridad, manera e Operahouse na Sidney, City Hall na London, Empire State Building na New York, Toren di Eiffel na Paris y e Obelisco na Buenos Aires.
Den poco aña, Earth Hour a pasa di ta e campaña ambiental mas grandi cu e planeta por a mira. Miles di miyones di hende den 152 pais ta uni den e momento simbolico di pasa luz como muestra di nos compromiso diario pa un bida respetuoso di e planeta, nos hogar.
Como cada aña, e Earth Hour ta invita nos na reta e mundo pa salba e planeta y consisti den promove un cambio di actitud pa e planeta, hopi accionnan chikito cu ta wordo agrega cu por nifica un futuro miho.
Consumi menos, recicla mas, crea menos sushi, cana, core bicicleta, come menos carni, come mas berdura, apoya negoshinan local, comparti auto, ta accionnan diario cu ta demostra bo compromiso cu un ambiente sano. Cual di nan ya bo ta practica? Cualnan ta esun cu lo bo implementa?
