E campaña di Balashi pa hiba tres persona wak e clasico di Yankees vs Boston ta den full swing. Algun siman pasa Balashi a anuncia un campaña grandi cu tin tres premio. E tres ganadonan ta haya e chens di mira e idolo di Aruba Xander Bogaerts den accion.
Rowald Werleman Beer Ambassador, di Balashi, tabata na Mundo Nobo na Santa Cruz, pa duna un splicacion di kico e campaña ta encera. Tur supermercado y mini-market ta participando den e campaña aki.
E cliente tin cu cumpra su caha di Balashi, skirbi nomber (number di celular) riba e recibo y saca potret di esaki. Mester ta bon visibel cu ta Balashi bo a cumpra. Subi riba e fb.com.balashi.aruba y mand’e pa nan inbox. E persona ta haya di biaha un notificacion cu bo registro a drenta y cu bo ta participando den e campaña.
E campaña ta finalisa dia 15 di juli awor. Pues tur hende tin dos siman ainda pa cumpra Balashi y registra. Balashi ta hiba e tres personanan aki Boston dia 28 di juli.
Balashi ta cubri nan pasashi, hotel, transporte, entrada pa e wega den Fenway Park y “zakgeld”. E ta un tremendo mini-vakantie y mira bo idolo na mesun momento. E campaña ta valido pa tur persona riba 18 aña.
