Diamars den oranan di merdia Polis a wordo manda cu urgencia riba De La Sallestraat pa un accidente cu herido. E siguiente informe cu a drenta ta bisa cu no ta un accidente di trafico pero un accidente laboral.
Polis a yega rapidamente na e sitio y a topa cu un homber drumi na suela, patras di un truck di entrega di carga. Segun por a compronde, hunto cu su colega, nan tabata baha carga pa un negoshi ora cu pa un motibo of otro e lo a perde balansa y a cay for di e truck.
Esaki a sosode net na momento di basta trafico y cu solo fuerte. A busca material pa pone bou di dje y e no sinti e solo y tambe pa tap’e, ya cu no tabata sa ki lesion el a ricibi y no por mov’e. Ambulance a yega na e sitio y a hiba Polis pa control.
