Den un conferencia di prensa di gobierno, minister di husticia y asunto social Rocco Tjon a señala na e problematica di e radar cu tin den e area di Sero Colorado. Esaki ta un situacion cu ta halando hopi atencion den e ultimo lunanan aki.
Ta asina cu te ainda ta bin tuma nota di actividad iregular na nos costanan. Den un ultimo suceso, a bin topa cu un cantidad di jerrycan na Vaderpiet y Rincon y esaki atrobe ta señala na cu tin un ‘blindspot’ den e radar. Pa e ultimo aki tin cu agrega tambe cu regularmente tin boto ilegal ta yega cerca di e areanan aki.
Minister Tjon a bisa cu esaki sigur tin su atencion como minister di husticia y cu tur siman ta reuni cu tur stakeholders envolvi cu siguridad di nos costanan pa dialoga tocante e parti tecnologico como tambe e parti di ‘boots on the ground’. A señala tambe riba e plan cu gobierno a realisa october ultimo y cu na december Hulanda a aproba cuater miyon euro pa fortifica siguridad na nos fronteranan.
