Juan Junior Quant, di apenas 44 aña di edad, desde diabierna ta un homber liber atrobe. El a sinta su castigo completo, por lo menos e parti incondicional. Algun amigo a bay spera riba su salida for di 7:00 am pafo di porta di KIA, situa na Santo di Patia. Cu hopi brasa y “boeks”, nan a desea nan amigo tur cos bon awor cu e ta cuminsa su bida nobo.
Un hues den corte di prome instancia a conden’e na 15 aña di prizon pa intento di asesinato di su pareha y di su suegro. E no a keda satisfecho cu e veredicto y a apela na Corte Comun di Caribe Hulandes. Ey tres diferente hues a revisa e caso completamente di nobo y a yega na e mesun veredicto cu e prome hues.
Ayera, despues di a sinta ⅔ parti di su castigo, el a sali cu cara na laira for di KIA pa 9:00 am. Pa e cobertura completo, lesa e edicion di TREMPAN di ayera diasabra.
