Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veld di Dragon Hitters. Den un wega maratonico cual a parse cu no lo bay caba e equipo di Blackhawks perdiendo ta rally pa 11 careda den cabez di 5 inning pa bolter e score y sigura un victoria riba e fuerte equipo di Piratas.
Den un wega de dame y toma Blackhawks ta gana 22-15. Boxscore final Blackhawks 22 careda, 23 hit, 3 error y ta laga 3 coredor na base. Piratas 15 careda, 15 hit, 7 error y ta laga 5 coredor den circulacion. Blackhawks como equipo a bay di 36-23 pa un averahe di 639 mientras Piratas a bay di 31-15 pa un averahe di 484. Pa Blackhawks a destaca na bate Angelo Webb 5-4 cu 3 careda anota y 2 rbi, Meldrick Solognier 5-4 incuyeno un triple mas 5 rbi, Jeffim Jansen 4-3, Rodney Kelly di 5-3 cu 5 rbi, Leonardo Dirksen 4-3 cu 2 rbi, Tyrone Punselie 4-2, Randall Werleman 3-2 y Johnny Winterdaal di 2-1.
Pa Piratas a destaca na bate Jeremy Moreno 3-2, Whascar Perez 4-3 incuyendo un cuadrangular y un triple cu 3 careda anota mas 5 rbi, Pablo Reid 4-3 incluyendo un homerun cu 3 careda anota y 3 rbi, Michel Corniels 4-2 y Ramon Gonzalez di 3-2. Efraim Leon a habri pa Blackhawks y ta bay 1 inning y 1 tercio permitiendo 10 careda y ta wordo releva mesora pa Clay Shipley ken a tira 4 inning enfrentando 20 bateador lansando 58 pitch permitiendo 5 careda tras di 7 hit y ta registra e victoria riba su nomber.
Guillermo Montiel ta habri pa Piratas y ta enfrenta 22 bateador y ta bay 3 inning permitiendo 11 careda tras di 14 imparable. Michel Corniels ta drenta di relevo y ta registra e derota riba su nomber. Modesto de La Cruz ta drenta tira ultimo inning. Weganan ta continua Dialuna, Diaranson y Diabierna awor riba veldnan na Pos Chiquito mientras Diamars y Diahuebs weganan lo tan a Dragon Hitters cu un bar y cushina bon surti. Un totakl di 10 wega programa pa e siman entrante. Waak pa Bo tey!
