Diabierna nochi tabatin un pelea grandi den Arendstraat entre dos bisiña. E motibo di e pelea no ta conoci. Na dado momento un di e bisiñanan a saca machete y a corta e otro cu ne. Polis a presenta na e sitio, a detene e sospechoso y a pidi pa ambulance transporta e victima.
Mester bisa cu e situacion tabata tenso na e sitio y a nota un nivel halto di agresividad bou di e publico, pa cual a pidi asistencia di patruyanan di diferente districto pa trankilisa e situacion. Polis a detene ambos bisiña y a transporta nan pa Warda di Polis.
