Diabierna anochi pa mas o menos 10:20PM a sosode un accidente den Arendstraat. Chauffeur di un auto marca Chevrolet, biniendo for di rotonde na altura di Wendy’s Oranjestad, a bay lora na su man robes pa drenta su cura di cas.
Sinembargo chauffeur di e auto marca KIA biniendo den contrario no a mir’e y a dal contra dje. A pidi asistencia di Polis mesora pasobra chauffeur di e KIA a opta pa sigui su caminda despues di e impacto. Polis a logra par’e na altura di Wendy’s Boulevard.
E chauffeur tabata bou influencia di alcohol. A detene mesora na e sitio. ForenSys a presenta na e sitio pa tuma declaracion di esunnan envolvi den e accidente, pa por regla un ke otro pa e companianan di seguro.
