Nos ta den temporada di carnavla cu hopi ta esnan cu tin planea ful un agenda pa
asina celebra e fechnan aki mas posibel cu participacion den diferente actividadnan di
carnaval.
Aki na Santa Rosa nos ta den ful swing cu preparacion pa celebracion di nos
prome mercado pa e aña aki na Santa Rosa riba Dia di Betico cu ta dia 25 di Januari
proximo. Un celebracion cu lo prominti di bira un exitoso pa motibo cu esaki ta un dia
liber y caminda tur hende ta busca un caminda pa Sali y celebra e dia aki den grandi.
Nos mercado semper cua conta semper cu e sosten completo di pueblo di Aruba pa cu
nos productonan local. Mercado Santa Rosa conhuntamente cu celebracion di Dia di Betico cu lo cuminsa for di 8’or di mainta te cu 1’or di atardi aki mes na Santa Rosa. Bin pasa un
rato ameno. Concepto di e mercado aki lo bai ta poco diferente pero si cu e mesun bon
surti cu nos productonan local.
E logistica lo ta bai ta parti patras di nos edificio caminda tin varios matanan di fruta planta. Aki nos ta bai acomoda nos tentnan pa nos productornan local pa asina brinda nan servicio na e publico cu lota presente riba e dia aki. Varios ta esnan cu a confirma caba pa asina ta den nos mercado di Dia di Betico 25 di Januari. Pa menciona algun di productonan local cu lo ta localisabel den nos mercado ta nos Artesanonan cu difernte obranan di man manera casnan Tipico Arubano miniatura. Diferente cos gehaak cu ta masha gusta awendia. Remedinan di tera manera Gember, Miracle Cold & Flu, Azeta di Coco y mas. Productonan di Aloe tanta pa Cabey, Cara y Cutis cu solamente ta obtenibel durante di nos mercado. Otro di nos productonan local ta e diferente liqour, Jam, Stropi, Biña di Casho y diferente otro sabor. No por falta den nos mercado un bon pasaboca manera un dushi bolo traha na cas manera di Pruim, Fruta, Pineapple of drgidek. Tur esakinan den nos mercado di
Dia di Betico. Pa e plato crioyo pa e dia aki no por falta. Un cushina bon prepara cu manera Cocomber Stoba, Papaya Stoba, Cabrito Stoba, Sopi Cabrito, y hopi mas pa menciona. Fruta y berdura fresco tambe lo bai tin y diferente mata. No por falta nos “Kid’s Corner” pa e muchanan keda bon entreteni. Nos invitacion cordial ta keda nabo pa asina bo yega un rato aki na Santa Rosa su Mercado conhuntamente cu celebracion di Dia di Betico pabo pasa un rato ameno y placentero manera un famia for di 8’or di mainta te cu 1’or di atardi.
