Bestuur di Aruba Softball Bond a tene nan di 2 reunion routinario pa cu aña 2019 den preparacion pa cu campeonato 2019. A trata diferente puntonan di agenda.

Entre otro evaluacion aña 2018, campeonato internacional CONSURSA, Campeonatonan 2019 y Selecionnan cu lo mester compete den exterior pa cu aña 2019. Un reunion fructifero cu bastante intercambio.

Despues di analisa y aproba e Plan 2019 pa cu su ehecucion a keda palabra cu 11 di Maart lo jama un reunion extraordinario cu tur equiponan miembro pa asina trata reglamento di campeonato 2019 y haña un aprobacion final di miembronan pa cu e fechanan proponi pa campeonato. ASB tin riba agenda pa inicia campeonato mas tempran e aña aki esta tentativamente 19 di April. Campeonato lo ta den Liga AA y A-Klas masculino, AA Femenino y U16 Femenino. Pues tur lidernan di Team mantene 11 di maart liber pa asina determina e ultimo strategianan y prepara pa  campeonato 2019. Softball a la carga!

Comments

comments