Diamars mainta tin cu bisa cu e cinco sindicatonan cu ta den SGOA, cu sigur ta mal contento cu e gobierno, mirando cu e gobierno aki a sa di bin cu puntonan cu ta tacha sigur henter e parti financiero di e trahadonan pa loke ta trata e gobernacion cu tin.
E cinco sindicato den SGOA a yama tur ambtenaar, cu diamars mainta a sa di acudi for di tempran na sede di ABVO, pa asina reuni y yega na un punto strategico pa loke ta trata kico ta bay haci.
Sigur mester bisa cu a saca e cinco puntonan mas esencial di loke gobierno kier bin cun’e den su medidanan y e cinco puntonan aki e lider sindicalnan pa reuni y traha un carta y asina manda e carta aki cu no ta mishi cu e cinco puntonan aki di e ambtenaarnan na Corsou.
Keto bay, bastante hende sigur ta yegando poco poco na sede di ABVO, un sede completamente yen y mester bisa cu tin entre otro miembronan di polis, e bewakernan di prizon tambe.
Por imagina cu practicamente tur instancia di gobierno ta riba un slow, esta un accion di morcoy, mirando cu e minimo di personal tey pa duna servicio na e instancianan aki.
