Diamars mainta Benny Sevinger a presenta na Corte di Prome Instancia pa un verhoor (interoga) como testigo di su caso Avestruz, cu lo cuminsa otro siman dia 5 di september. Aki a haci diferente pregunta na Sevinger. A pone den un dossier tur loke el a duna como contesta.
Benny Sevinger, sospechoso, a splica cu a scucha esunnan cu ta acusa den e caso di Avestruz y e abogadonan dje sospechonan a pidi pa tende su persona. E abogadonan tabatin pregunta riba esey. Sevinger tabata presente pa contesta pregunta y fiscal tambe a haci su preguntanan, di cual el a contesta. Hues comisario a pone tur cos riba papel y esey ta bira parti dje dossier pa e caso mes.
Tur pregunta haci na Sevinger, ta pregunta relaciona cu si el a haya placa, si el a pidi placa y etc., di cual el a contesta no. Tambe el a expresa cu ningun hende por bisa cu el a haya of pidi placa pa haya un tereno manera ta poni den e rapport dia a entrega esaki na Ministerio Publico.
STRATEGIA DI MEP
MEP su strategia aworaki un biaha mas bay bisa cu Benny Sevinger ta den problema hudicial, Marisol Lopez-Tromp ta den problema hudicial y ban wak si por baha gobierno. Y asina ey ta pidi pueblo cu nan ta esunnan di no ta den corupcion, vota pa nan.
DRUMI TRANKIL
Sevinger a indica cu anochi su persona ta drumi trankil. Semper e ta bisa cu su persona no a comete nada malo y esaki lo ta demostra den corte p’e proximo lunanan. Esaki lo cuminsa otro siman y na final e ta kere cu hues lo duna su veredicto na su fabor.
