AVP ta kere fielmente den husticia, ta loke cu parlamentario Benny Sevinger a indica durante di un entrevista den noticiero Enfoke y e mes ta un menos pa bisa cu Ministerio Publico no ta haci su trabao of no ta obhetivo.
Esey ta loke el a kere semper. Pero mirando con cos ta bay, mirando con nan ta tuma decision, mirando con ta persigui Sevinger y mirando con ta persigui e otro hendenan den e caso di Avestruz, e no por yega na un otro conclusion cu Ministerio Publico tin influencia politico den dje.
Den henter e asunto aki, no solamente tin un persecucion politico den dje, pero tin un tinte di discriminacion tambe den dje. Esey ta loke cu Sevinger a bisa, cu ora e mira con fiscal Gerretschen durante cu e ta pidi p’e ta encarcela, con e ta expresa su mes den direccion di Sevinger, ta di un manera discriminatorio.
Sevinger a cay riba un detaye chikito riba un comunicado di prensa cu Ministerio Publico a saca caminda ta para cu Ministerio Publico a ricibi ‘denuncia’ di Sevinger contra prome minister di Aruba, sra. Wever-Croes y ex-minister Lopez-Tromp.
Sevinger: “Ami no a entrega keho contra prome minister Evelyn Wever-Croes, sino contra señora Evelyn Wever-Croes.”
Den esaki so caba pueblo di Aruba por mira con nan ta midi, con ta sinti e discriminacion, e “ondertoon” di Ministerio Publico.
Pa mas detaye lesa TREMPAN.
