“Cu tur e discusion entre Minister Xiomara Riuz-Maduro y y Comercio si mester pone BBO riba e cuenta apart, si of no, ta keda ciego pa e solucion!”, asina Benny Nisbet, lider di e patido politico PPA a duna di conoce den un comentario publica riba su pagina di Facebook.
Di acuerdo cu Benny Nisbet, comercio ta bisa BBO no ta nan belasting sino ta pueblo tin di pag’e, pues cu comercio mas bien ta djis un ‘doorgeefluik’. Minister Ruiz-Maduro di otro banda ta insisti cu esaki ta un belasting riba “omzet” di e comerciante y cu ta e comerciante tin di pag’e y punto!
Partido PPA a mustra riba e hecho cu na fin di aña, si e comerciante/negoshi tin ganashi, e BBO paga door di ‘Buchi Juan y Shi Maria’ diripiente ta bira propiedad di e comerciante/negoshi y por reduci’e for di e eventual ‘winsbelasting’ cu e comerciante debe. Straño?
Pa esnan cu ta pretende cu nunca riba lo no tin solucion; PPA a propone pa haci algun cambio:
- E comerciante/negoshi ta bira realmente un ‘doorgeefluik’ y ta oblig’e pa duna un recibo di calidad y no uno unda e cifranan ta disparce cu tempo.
- Haci e cambionan den ley cu ta pone cu ‘Buchi Juan y Shi Maria’ ta sigui paga BBO, of e nomber nobo cu lo dun’e
- Pero cu ‘Buchi Juan y Shi Maria’ ta warda e recibonan y ora nan ricibi e formulario di belasting, por laga kita locual a paga na BBO for di nan belasting cu nan debe pasobra realmente ta ‘Buchi Juan y Shi MAria’ a paga e BBO y no e comerciante
Tur cu ta gaba cu nunca ta bin cu proposicion concreto, a keda keto y no a reacciona riba esaki ningun momento. No a ni evalua e pensamento aki pasobra e lo beneficia pueblo.