Diadomingo atardi alarma a ser bati pa un cas na candela den Sero Largo Weg. Polis a bay pura na e sitio. Tambe bomberonan a bay pura. E informe cu a drenta tabata cu tin hende den e cas. Ora cu unidadnan di rescate a yega a topa cu e señora grandi pafo. Bisiñanan a duna un man.
A pidi ambulance pasobra dos hende a guli huma. Bomberonan a bay den accion y cuminsa paga e candela. E candela tabata den un camber den un skina di e cas. A logra domina y cuminsa investiga. Ta sospecha cu e candela a cuminsa riba un cashi den e camber. Berdad e habitante a admiti cu tabata tin un bela cendi for di mainta riba e cashi. E cas no tabata apto pa e señora keda. Pesey mes a dune un man pa despues e keda otro caminda pa haci e limpieza den e cas.
