Venezolanonan a demanda Hulanda pa tur beneficio di Refugiado na Aruba

Abogado mr. David Kock tin un caso diabierna awo relaciona cu e bataya di Venezolanonan pa haya status di “Refugiado” y e ayudo humanitario di acuerdo cu tratadonan internacional. E ta haciendo un testcase, representando un grupo di stranhero.

En realidad, papiando como un ciudadano, pa ta cla, cu nos no por deal cu un problematica asina grandi. Aruba ta un pais chikito. Tin poco recurso y si wak nos sistema, ta Reino Hulandes ta cera tratadonan. Aruba tin su statuut cu ta bisa kico ta cosnan cu eigenlijk ta Reino Hulandes tin cu percura di dje y kico ta cosnan cu Aruba mes por percura di dje.

Venezolanonan a demanda Hulanda pa tur beneficio di refugiado na Aruba

Venezolanonan a demanda Hulanda pa tur beneficio di refugiado na Aruba

Posted by 24ora on Sunday, May 5, 2019

Derechonan Humano y reglanan general pa loke ta trata asilo, bo lo por cualifik’e bao di obligacionnan di Reino, cu ta Reino Hulandes mester take care di esaki y no pais Aruba.

Ta pesey a cuminsa e caso aki contra e estado Hulandes. Ora cu bo cita pa Corte, bo no por dagvaard Reino Hulandes sino Staat der Nederlanden, esta Hulanda. Tambe a cita Land Aruba, bisando Hues den caso cu e no ta haya cu por convoca Hulanda, anto e ora e caso lo ta contra Gobierno di Aruba mes. Si bo djis cuminsa un caso contra estado Hulandes, bo mester cumins’e na Hulanda. Asina por a cuminsa e caso aki na Aruba, caminda cu ta bisa Hues pa condena Hulanda, pa Hulanda ta responsabel, specialmente financieramente, pa e personanan aki.

E tratadonan internacional no ta solamente bisa cu e hendenan por bin aki, pero si nan no tin trabao, bo lo mester sostene nan financieramente. Nan lo mester haya seguro medico, mescos cu AZV cu hendenan ta haya aki. Si nan bin cu mucha chikito, mester regla educacion.

Ya cada bes CFT ta bisa cu e situacion financiero ta malo. Imagina si Gobierno mester haci tur e gastonan aki tambe. Segun e abogado, ta Hulanda mester interveni. Hulanda tambe, ora cu ta cumbini nan, tur cos ta koninkrijk aangelegenheid, pa nan interveni. Pero Koninkrijk aangelegenheid ta crea un responsabilidad pa nan y esaki mester ta nan responsabilidad. Financieramente nan tin cu percura pa e asunto aki. Esey ta loke cu kier logra.

Kico kier logra

Loke cu abogado Kock kier logra, ta pa condena Hulanda pa cumpli cu e tratadonan internacional. Kock a sigui splica cu esaki ta un testcase, purbando pa logra un cambio aki. E hecho cu hues a tum’e, e lo ta admisibel. Naturalmente ta bay haya sa esey ora di e veredicto.

Expectativa

Ken cu ta cu papia den e ambito legal di esaki, nan ta hay’e un punto interesante. Huridicamente esaki ta algo hopi interesante. Como ciudadano di e pais aki naturalmene Kock kier pa tin exito. No solamente pa e clientenan. Awor aki ta “roothing” pa dos partido.

Abogadonan

E bufete di David Kock solamente ta atende cu e caso aki. Di parti di Hulanda, bufete di abogado Pels Rijken lo bin Aruba pa representa nan mientras cu Gobierno di Aruba a hinca nan defensa den man di abogado mr. Anthony Carlo.

Ceramento di refugiadonan na Warda nos Costa lo percura pa mas bataya legal

Segun abogado David Kock, ni na Hulanda den dos dia nan no ta dicidi cu un hende ta haya asilo. Nan ta haci manera un prome screening, pa wak si ta trata un persona cu mester bay cay door di un proceso. Esey ta e filtering cu nan ta bay haci. Aki na Aruba, si bo bin bisa, cu ta bay tene nan den un campamento te ora cu dicidi riba dje, por ta tin otro casonan cu ta bay cuminsa cada biaha. Of cada biaha Hues lo laga e stranheronan liber.

No bruha entre e status di “Asilo Politico” y “Refugiado”

Abogado Kock a añadi cu tur hende ta pensa cada biaha cu e palabra mester ta solamente politico. Mientras cu e tratadonan ta papia di vluchtelingen (refugiado). Hendenan ta huy por ehempel di guera di nan pais. Hendenan di Siria cu ta pidi asilo, no ta pasobra nan ta wordo persigui politicamente. Ta un interpretacion cu ta mas amplio. Mescos cu aki cu ta asilo politico so e ta.

Unda kier yega

Mr. David Kock a splica cu loke hustamente nan kier yega na dje, ta pa bin un cambio. No ta pa nan bin aki. E cambio ta pa Hulanda regla esaki. Esey ta e cambio cu kier bin cun’e. Si Hues duna Kock rason, Hulanda financieramente mester percura pa esaki. Esey ta loke kier logra pa Aruba. No contra Aruba.

 

Comments

comments