Riba medionan social nos por a mira den varios ocasion mayornan di Archirah “Coekie” Trimon, ta busca su salud y sigur por a nota e caminda di cruz cu nan a pasa aden. Y pa esey nan mester di bo ayudo y sosten.
Ken ta Archirah? Archirah ta un mucha muhe super spierto y hopi alegre cu tin solamente 4 aña di edad. Mei 2016 Archirah a haya su prome convulsion cu a wordo considera como koortsstuiping. Despues di esaki Archirah a keda interna casi 1 siman den hospital. Momento cu Archirah a sali for di hospital a keda basta luna bon te despues di 1 aña Archirah a cuminsa haya atacanan cu a wordo considera como Epilepsia, pero dokternan no tabata sigur.
Ban contribui na “Coekie’s Cause” pa asina e por sigui haya su tratamento na Hulanda
Ban contribui na “Coekie’s Cause” pa asina e por sigui haya su tratamento na Hulanda. Click link pa mas https://24ora.tv/2XhWJ1y
Posted by 24ora on Friday, May 31, 2019
Riba un diadomingo den Januari Archirah a cuminsa bira mas malo sintiendo cu nada no ta bezig ta pasando y como mayor bo ta preocupa pa tur cos. A bay na dokter Vallejo pa conseho pa kico haci. Dr. Vallejo mane a wak e mucha y cu nos a conte kico ta pasando, e dokter a conclui cu e mucha tin Epilepsia y pa bay mas lihe cu ta posible den exterior (Colombia). El a duna e mayornan un lista di loke lo mester haci pa e yiu.
Tumando su conseho famia a organisa bendemento di cuminda pa haci esaki mas lihe cu ta posibel y Maart 2018 a sali rumbo pa Medellin unda tur test a wordo haci. Tur cos a bisa cu Archirah tin un daño celebral frontotemporal banda robes. A bay dokter na Aruba cu tur resultado.
Famia a pidi pa a wordo manda bek Colombia September 2018 mirando cu e mester controla atrobe con e ta bayendo cu e remedinan cu a wordo duna y ahusta. Como respuesta e mayornan a haya cu AZV no ta manda hende pa second controle. Kico a haci como famia? Bolbe bende cuminda pa por manda e yiu na September bek mirando e tabata keda haya ataca constant y dokter a bisa mester bin cune pa e controle. 
Despues di September Archirah a keda completamente bon te cu 28 December 2018 cu Archirah a bolbe bira malo y a haya un ataca di 20 minuut largo y a keda interna 1 dia pa observacion. Dia 1 di Januari 2019 Archirah a bolbe bira malo y a haya ataca atrobe. Desde e dia ey te cu dia 25 January Archirah tawata in and out for di hospital cu convulsionnan basta largo y hopi tras di otro. Dia 2 Februari Archirah a wordo manda cu urgencia via Air Ambulance pa Cali, Colombia pa purba yuda cu tur e atacanan chikito cu e tabata haya y tambe e medicamentonan. Loke a preocupa e mayornan cu a pasa ta cu a haci diferente test na Cali cu a sali malo y a haci un ultimo test cu yama un PET SCAN. Aki nan a determina cu nan lo kita full e banda links di Archirah su cabes loke lo bay haci’e mita paraplegica (kiermen no lo tin movecion di mitar di su curpa y lo ta limita na hopi cos!) esaki sigur a cay como un awa friew pa e mayornan. 
Actualmente Archirah ta na Hulanda door cu despues di a yega bek Aruba nada no a drecha y su curpa a bira pio. Unico opcion pa e yiu ta opera su banda di celebro y cuminsa cu terapianannan mas pronto cu ta posibel pa e por recupera su movecion nan bek. Cu esaki ta haci cu a tuma e decision pa purba muda y bay biba afo cu e mucha en busca di un miho calidad di bida y tambe un futuro mas sigura pe, mirando cu na Aruba ainda no por atende cune ni lo por haya e terapianan necesario pa e por bay dilanti.
Riba parkinglot di Do It Center Shaba ta organisa un evento combina cu ambiente di musica y tent di refrescante y pasa boca y actividad pa muchanan y asina logra recauda un fondo.
E actividad aki lo carga e nomber di: Coekie’s Cause Epilepsy Warrior, cu e meta principal pa recauda e fondonan necesario pa asina realisa e cambio aki pa Archirah su bida despues di su operacion grandi cu lo wordo haci na Hulanda y lo kier e muda pa Hulanda. Mayornan di Coekie ta pidiendo ayuda pa realisa esaki mas pronto posibel pa asina Coekie e por sigui un tratamento di fysiotherapie, ergotherapie, logopedie y revalidatie despues di su Operacion di Hemispherectomy.
Abo comerciante, abo ciudadano, Aruba en general, bo tambe por aporta na e causa noble aki pa haci un contribucion di un of otro manera. Pues na e manera desea, sea cu e aporte na e dia aki 23 di Juni 2019 cu sosten di articulonan cu por ofrece manera cu e persona of compania ta desea. Por ehempel refrescante, cuminda y of pasa boca pa e tent di cuminda y of bebida of articulo cu por usa como premio pa rifa riba e dia aki. Famianan tambe ta buscando sponsor pa Tshirtnan di e boluntarionan.Si abo ta desea di contribui financieramente tambe tin lo tin un un number di cuenta disponibel pa por haci esaki na CMB 64100507.
