Pa hopi tempo caba famia Mackay di Angochi 16E ta bibando den un situacion hopi desagradabel. A bati na porta di tur instancia concerni pa yud’e cu su preocupacion. Awa di pos di e cas panort di dje ta filtra bay den su cura y pasa bay over te band’i caminda. E awa ta trece un holor hopi stinki cu ne y sangura no ta cos di papia mes.
A acerca polis, DVG, Gele Koorts en Muskieten Bestrijding (GKMB) y City Inspector pero sin resultado. Ultimo ainda a mira un programa di City Inspector riba rednan social relaciona cu awa di riool.
A tuma contacto cu e departamento pero no a actuta tampoco. Un tal Rosell di City Inspector a hasta hari e señora na telefon bisand’e cu ta temporada di fin di aña y cu mester tin paz enbes di guera.
Mackay ta kere cu, door cu su bisiña, Rudy Webb ta un polis, cu tur departamento ta teme pa atende cu ne. GKMB a yega di constata criadero di sangura den su cura di cas caba den pasado.
Soraida Mackay ta spera cu pronto su lucha di casi binti aña por yega na un final y cu por biba den un ambiente mas sano y agradabel.
