Awe Diabierna lo tuma luga eleccion pa Presidente di Sindicato di Polis Aruba (SPA). E total di 483 miembronan lo vota pa un Presidente y Vice-presidente nobo, cuminsando for di 7:00am pa 7:00pm na Wardanan di Polis.
Pa Presidente a postula Jose Dirksz (actual Presidente), Clyde Burke y Angelo Davelaar.
Pa Vice-presidente a postula Rolando Maduro, Rodney Solognier, ambos ta den bestuur, e actual Vice-presidente Omar de Kort a dicidi di no pone su mes reeligibel. Lo vota tambe pa Tesorero, Secretario y 7 Comisario den e sindicato.
Sindicato di Polis (SPA) ta activo desde aña 1986, asina cu a funda Cuerpo Policial Aruba. Prome cu esey nos tabata resorta bou di Antias. Statutonan ta regla cu cada dos aña tin eleccion pa directiva nobo.
Lo anuncia e resultado na Warda di Polis di San Nicolas entre 7:00pm y 8:00pm debi cu POVA no por habri dor di e situacion di COVID-19.
