Awe ta Dia Internacional di First Responders. Esey ta pa honra e homber y muhenan kendenan ta actua rapidamente ora cu tin un emergencia. E First Respondernan ta dedica nan bida pa salba bida. Nan ta e hendenan cu ta core den direccion di un crisis mientras cu e resto di mundo ta huy.
Departamento di Ambulance
For di aña pasa a cuminsa celebra riba un dia manera awe, e dia di First Responders. Ya e Departamento di Ambulance tin un dia y un siman, cual ta e Dia di Ambulance y e Siman di Ambulance.First Responders, con cu bay bin ta nan trabao di tur dia, segun Liberato Hoek.
Ta pone enfasis riba e dia y ta duna e trahado un tiki mas elogio pa toch reconoce e trabao duro cu e ta haci.Hoek ta felicita tur e trahadonan di ambulance riba e dia di First Responders. Mescos e otro departamentonan.Cerca e departamento di ambulance, e ta algo hopi importante. Banda di ta e trabao pa nan di tur dia, 24 ora pa dia nan ta First Responder.
Pasobra por topa cu un accidente na caminda y e deber ta di yuda den esaki.Durante di e temporada di pandemia tabata hopi pisa pa ambulance, vooral e lunanan di augustus y september. Practicamente nan tabata haya tur dia 5 pa 6 pashent di coronavirus pa transporta.Na cuminsamento e tabata algo nobo y nan tabata bon prepara.
Pero cierto momento ta wak cu el a bira un carga. Cada un pashent ta tuma tempo. Tur loke tin cu bisti y tin cu tuma e precaucionnan necesario pa evita cu nan mes ta contagia. Naturalmente tin cu tene cuenta cu nan propio famia.Tin un procedura cu e momento cu haci un transport kico tur tin cu haci. Logicamente e momento cu yega cas, tin cu tene cuenta con ta bay om cu e famia. Con pa kita e uniform y na momento cu tuma contacto cu e famia.
Cuerpo Policial
Pa e parti di Cuerpo Policial, segun Liliana Rasmijn, nan tambe ta forma parti di Front Liners. Mirando cu desde maart cu COVID-19 a haci su entrada na Aruba, tabata algo cu mester a experencia pa prome biaha.Tur regla, tur loke por a informa pueblo y pa pueblo por a compronde, cu loke polis ta haci, ta parti di nan trabao.No ta tur biaha nan tabata bon mira, pero hopi biaha nan ta para pa e siguridad di e pueblo.
Nan tabata para pa nan mesun bon.Por a mira tur e cambionan cu a bin cu mester a adapta cada tres dia y tambe informa pueblo ora cu e MR caba. No tur biaha nan tabata sa y polis mester a intermedia pa asina cos bay rustig, te cu awor aki ta logrando atrobe.Cifranan ta bahando y tur dia papia pa e hendenan por comporta nan mes pa nan mesun salud. Esey ta e parti di mas importante.Pueblo mester compronde tambe cu polis tey eyfo.
Nan ta laga nan famianan atras cu e risico cu nan tambe por contagia. E virus a yega tambe den Cuerpo Policial, unda cu mester a tuma tur medida. Polisnan tambe ta humano y nan ta para frontliner hunto cu tur e otronan. Ta diferente hende den diferente ramo.Polis tey pa pueblo su siguridad. Pero mester corda cu nan tambe ta laga nan famianan atras, poniendo nan salud na peliger. Mirando cu falta algun siman mas pa aña caba, ban keda mantene na e protocol.
No pa e comunidad so, sino pa e polis tambe. Nan tambe kier yega cas cerca nan famia y bisa un dia cu no tin e virus mas, of a combati’e of a bin un cura p’e.Ta pidi pueblo di curason, danki pa loke ta e parti di frontliners. Pero danki tambe pa colabora cu polis y purba keda compronde e pakico di nan trabao.Polis tey pa cuida boso, pero boso tambe mester por cuida nan, door di mantene na e protocol.Hunto nos ta e solucion, Liliana Rasmijn a bisa por ultimo.
Hospital
Gregory Croeze ta forma parti di e team di HVT di Hospital. E ta conta cu First Responders Day ta hopi importante pa e HVTer’s na Hospital. Nan ta e personanan cu tin e prome contacto cu e partidonan externo.Den caso di un calamidad of incidente nan ta esnan cu ta yama partidonan externo.
E HVT’ers ta esnan cu ta yama autoridadnan necesario pa trata cualkier calamidad na hospital.Nan tin proceso y protocol cu nan ta sigui. Na hospital specifico, tin mas cu 100 persona den dienst cu ta forma parti di HVT. Nan ta ricibi training constante, hunto cu e team di calamidad segun protocolnan describi y cual nan ta cumpli cu ne tambe.Angelo Alvarez, kende ta un enfermero di e Unidad di Cuido Intensivo, tambe ta pensa cu e dia aki ta uno sumamente importante.
Banda di su trabao, Alvarez ta forma parti di HVT di Hospital. Como un First Responder semper ta pensa riba siguridad. Bida ta balioso, segun Alvarez. Ta pensa prome riba abo mes como dunado di cuido y sigur ta pensa riba scapa bida di personanan mas tanto posibel.Debi na esey y teniendo esey den mente ta sigui curso.
Ta un siman pa sigui curso di candela, sigui curso di ontruiming y pa nan como First Responders ta pensa kico pa haci pa e pashent na e momento ey cu ta den hospital, por conta cu e ta sigur, cu e por keda haya cuido durante un crisis y hasta na e momento cu ta ontruim un pashent di caminda cu e mester ta, cu e por sigui haya e cuido necesario.
