Varios area den Noord a wordo afecta pa e awa sushi di riool pa algun dia. Parce cu DOW ta laga e situacion empeora prome cu nan actua. Segun esnan den e area di Hotelnan High Rise y Mallnan, tin dos dia caba cu nan ta pendiente pa DOW actua. Parce DOW a pasa pero no a haci nada.
E negoshinan den e mall tabata tin miedo cu na dado momento e awa sushi ta subi drenta nan negoshi tambe. Ya caba e holor stinki ta acumula den e diferente negoshinan den e mallnan. Diabierna hasta nan a yama Polis pa mira ki tur tabata pasando. Polis a atende e asunto cu masha seriedad. A keda atrobe di notifica DOW. E awa sushi y vies di riool tabata subi riba caminda.
Autonan tabata pasa den e plasnan di awa y esaki asina ta keda plama mas leu tur caminda cu e holor malo. Turistanan cu kier crusa cu nan yiunan mester pasa den e awa cu ta malo pa salud di hende. Finalmente anochi a bolbe mira personal di DOW ta move den cierto area. No ta conoci si ta e pompnan tabata fayando. Natualmente esnan cu ta maneha e area turistico ta sinti cu DOW ta tarda hopi pa soluciona e problema. E sistema ta pega y si esaki keda asina e awa lo bin ariba den e tuberia di e negoshinan y causa desaster. Na Monserat tambe riba e mesun liña a mira awa ta Sali y plama riba caminda. Na altura di e strip di e otro Hotelnan Highrise tabata mescos.
