Diabierna mainta miembronan di fraccion di AVP, Jennifer Arends-Reyes huntu cu Richard Arends a atende e ceremonia protocolar na Hyatt Regency Hotel. Durante e mainta aki a tende diferente discurso incluyendo e historia tanto di e bandera como di Haiti door di e consul general Saget Walfaud. Tambe e invitadonan a haña bunita presentacion di diferente bailenan tipico y obranan teatral.
Fraccion di AVP ta aprecia e invitacion ricibi y kier a felicita e comunidad Haitiano residencia na Aruba, mirando cu e comunidad aki ta uno cu tin un 4000 persona cu ta bibando na Aruba. Un comunidad semper alegre, trahador y cu ta contribui positivamente na e desaroyo di nos pais.
E aña aki ta un aña special cu ta marca e 215 anniversario di e bandera di Haiti y na e ocasion aki ta un bon momento un vez mas pa gradici cada un di e personanan cu ta forma parti di e comunidad Haitiano pa nan contribucion na nos pais y tambe pa nan comportacion ehemplar na nos pais.
