Diamars e reunion pa loke ta trata e Landsverordering Normering Topinkomens pa asina yega na un plafond pa loke ta trata e salario di e directornan di e companianan (semi) estatal, cual a keda aproba den parlamento.
Lider di fraccion di AVP, mr. Mike Eman a cuminsa na bisa cu e presentacion di Prome minister, tabata un presentacion hopi penoso. E stigmatisacion, yama e directornan di e companianan aki pa miyonario, ofende nan di un manera cu no ta aceptabel.
Pero ta e mesun partido cu ta kita e salario di forma definitivo, no unicamente di e directornan, pero henter e cadena di mando di tur e empresanan aki, tardi of trempan, lo biba cu e consecuencianan di e reduccion aki, ta e mesun fraccion aki di MEP, algun siman atras, ora cu a puntranan tocante e 25% cu e parlamentarionan a entrega, a bisa cu nan no kier pa e recorte sigui despues di prome di januari 2023.
Fraccion di AVP tabata un di e poco fraccionnan cu a bisa cu nan ta dispuesto di sigui entrega tanten cu e situacion ta manera cu e ta, pero basta cu gobierno uza e placa aki pa friends & family. T’e mesun fraccion aki ta vota pa kita placa for di tur e empresananan aki.
Pa un relato mas amplio, lesa TREMPAN.
