Ta busca chauffeur cu a hit and run den accidente na Socotoro

Diamars mainta algo pasa di 9:00 a sosode un accidente riba crusada di Profesor Lorentzstraat y Emmastraat. Chauffeur di Toyota Passo riba caminda di preferencia a dal den un otro vehiculo cu a sali su dilanti. E chauffeur di e Nissan Tiida color shinishi a primi trot y bandona e sitio.

Atras na e sitio di e sucedido a bay laga atras plach’i number di auto y pida di e bumper. Den e Passo tabatin un pareha cu baby, afortunadamente ningun hende a resulta cu herida serio. Rapid response unit di ImSan a pasa controla tur hende.

Chaffeur a huy: A haya auto envolvi den hit & run na Socotoro

A haya auto envolvi den hit & run. https://24ora.news/3nrz9ya

Posted by 24ora on Tuesday, June 28, 2022

Un rato despues di nos transmision bibo riba Facebook, algun bon samaritano a señala e auto para banda di Koningstraat. Aki polis a bin haya e vehiculo sospecha cu lo a hit run su so para den parkeervak dilanti un cas. Ta mustra cu algo a kibra den motor di e vehiculo lagando rastro di azeta atras riba caminda.

E chauffuer mes tabata spoorloos. Polis a tuma nota di camara di siguridad na e sitio di accidente como tambe unda a haya e auto y cuminsa un investigacion pa pone man tras di e chauffeur responsabel di tur e daño material laga atras.

Accidente un biaha mas riba Profesor Lorentzstraat y Emmastraat

Accidente un biaha mas riba Profesor Lorentzstraat y Emmastraat. https://24ora.news/3nrz9ya

Posted by 24ora on Tuesday, June 28, 2022