Problema na Pos Chiquito: DOW a destrui proyecto

Diamars Departamento Publico di Aruba (DOW) a cuminsa haci varios di e rooinan limpi rond di nos isla, en conexion cu e posibel yegada di un tormenta tropical entre diaranson cu diahuebs.

Mainta nan a presenta na Oasis Farm na Pos Chikito, cu a haci un inversion di hopi tempo, sodo y esfuerso pa nan por a planta tur e fruta- y berduranan cu tin den e farm. Pero DOW a presenta cu tres truck y un chubato pa benta e cura abou y habri e canal bek pa un miho fluho di awa.

Vincent Hughes tin un tempo caba ta trahando eynan, hunto cu e doño, cu a inverti placa. Pero awo cu ta asina leu, diripiente dialuna atardi, personal di DOW ta bin pa duna un plazo di 24 ora pa kita tur cos for di eyriba.

Hughes a bisa cu nunca el a spera cu esaki lo por pasa. Door di e sistema cu a traha e caminda, e casnan di ambos banda di caminda ta keda geplug. Na unda e farm ta situa, tin un canal unda cu e awa ta pasa te unda cu tin un pool patras. Antes nan tabata tin un sistema unda cu e awa ta pasa over.

Pero awendia nan a traha un cas eynan, cual ta blokia e sistema di riolering. E luga mes, Oasis Farm ta traha riba pallet, nan no a construi nada, cu por stroba e pasada di awa. Pero pa habri e canal, nan a destrui tur e matanan. Ta door di plantacion y bende e fruta- y berduranan, esaki ta yuda pa nan saca nan gastonan.

Problema na Pos Chikito: DOW a bay destrui proyecto bunita di hobennan local

Posted by 24ora on Tuesday, June 28, 2022

Pa un relato mas amplio, lesa bo corant digital TREMPAN