Lider di fraccion AVP a reacciona riba e discurso nacional dje prome minister, kende ta di vakantie na Hulanda. Tin un situacion precario y e mandatario ta di vakantie na Hulanda, p’esey AVP no ta di acuerdo cu loke e mandatario a bisa.
mr. Mike Eman, lider di partido, a bisa cu e ta haci hopi dolor y cu e pueblo na Wayaca a comparti e sentimentonan cu ta biba den comunidad. Fraccion di AVP tin algun diadomingo ta bishitando bario y por ehempel nan tabata den bario di Ayo, unda cu tin famia cu no por poni ni pan riba mesa pa nan yiunan. Na Bushiri a topa famia cu ta bisa di no por manda nan yiu scol pa motibo cu ta cobra nan airco geld di 150 florin di aña pasa y si nan no paga, nan no por drenta scol. Un otro bario, esta Bubali, un famia a bisa e parlamentario cu a saca nan di nan cas y asina por a scucha mesun señal di preocupacion.
Di scucha tur esey, Eman kier sa con ta posibel cu un prome minister por ta na Hulanda di vakantie n’e momentonan aki. Pero tambe tur lider politico por ta na vakantie, caminda ta corta awa y luz di pueblo. Hopi famia no sa con ta bay paga schoolgeld, airco geld, pa nan yiunan por bay scol na augustus, ta saca famia fo’i cas di pueblo pasobra nan no por paga e huur.
Esun responsabel p’e situacion, esun cu a crea e situacion aki, cu tur medida rancando placa tur dia fo’i saco di conciudadano pa enrikece tur hende rond di nan. Pero cu tur trankilidad ta bay Hulanda cu dos siman di vakantie y fo’i exterior ta manda mensahe cu mester keda positivo.
Pa mas lesa TREMPAN.COM.
