E parlamentarionan di AVP a presenta na Ministerio Publico pa asina entrega keho contra di Guillfred Besaril. Besaril ta involucra den e caso di Arubahuis unda el a haci fechoria.
mr. Arthur Dowers, parlamentario (AVP), a splica cu tanto su persona como Mike de Meza a presenta na Ministerio Publico pa entrega keho contra Guillfred Besaril. Esaki tin di haber cu e caso di Arubahuis, den cual Besaril a comete fechoria. A mira desde mei 2021, prome cu eleccion a pone Minister Evelyn Wever-Croes riba basta bagamunderia cu tabata tumando luga den Arubahuis.
AVP tin e informacion cu a informa e mandatario hopi mas prome di e fiestanan cu tabatin na Arubahuis, bebemento di boter di bina tur dia, gastamento di placa y mal uzo dje fondonan di pueblo. E mandatario no a haci nada cu esaki. Loke AVP ta lamenta profundamente ta cu na mei prome cu eleccion a entrega un keho. Evelyn Wever-Croes a baha su gobierno e tempo ey cu pretexto di un miembro di parlamento a comete acto coruptivo. Siendo un of dos luna despues a inform’e riba un miembro di su gabinete ta cometiendo acto grave y coruptivo. E mandatario ta responsabel p’esaki, pero a tene scondi.
Dowers a expresa cu Wever-Croes no a haci nada contra di Besaril, pero a lag’e sigui haci su cosnan. El a core campaña pa Evelyn y a bolbe nombr’e como Minister di Arubahuis. AVP kier sa con esaki ta posibel y ki tipo di screening tin. AVP a critica esey na varios ocasion ora nan a mira hende nombra, di cual e fraccion tabata convenci hamas por a pasa un screening. Awo ta mira un biaha mas un hende cu tabata denuncia pa corupcion, no a haci nada y a nombr’e como minister. E pregunta ta con e screening a bay.
Pa mas lesa TREMPAN.COM.
