Ta buscando pa bin cu desaroyo pa San Nicolas. Un di e cambionan cu gobierno ta pensando ta e refineria. Idea ta pa San Nicolas despedi di e refineria bieu cu ta saca huma preto, pero pa bin cu producto cu ta cumpli cu standard di medio ambiente.
mr. Evelyn Wever-Croes, minister presidente, a splica cu a tende e criticanan cu e comerciantenan, specialmente esunnan di pariba di brug, tin. A tene e prome reunion di Conseho di Minister na San Nicolas e aña aki y diferente comerciante a haci presentacion. Tanto DOW como DIP tambe tabata presente. Esaki tabata pa mustra e importancia cu como gobierno ta sinti cu e departamentonan aki mester ta envolvi den e desaroyo di San Nicolas.
Den esaki a haci algun palabracion hopi importante y nan ta purba logra di trece desaroyo pa San Nicolas. Esey ta algo cu nan tur ta buscando. E mandatario a indica cu tin hopi atencion pa San Nicolas.
Na comienso di e aña aki si Minister Glenbert Croes rond af tur trabou cu e ta haciendo p’e refineria. E industria di energia cu ta bay desaroya pariba riba e tereno di refineria.
Pa loke ta e refineria, segun e mandatario, manera e tabata conoce den pasado cu huma preto ta sali, esey no ta bin mas. No tin luga mas p’esey aki na Aruba, Wever-Croes a expresa. Pero otro tipo di rafinahe di producto cu ta cumpli cu e standardnan di medio ambiente.
Pa mas lesa TREMPAN.COM.
