Diamars, pa mas of menos 11:30 pm, a drenta informacion cu un auto a baha fo’i caminda y a dal den un pal’i luz net un tiki pazuid di e crusada di Kas Ariba direccion Urataca.
Na yegada di patruya, chauffeur di e Chevrolet Aveo a declara cu e tabata bayendo direccion zuid, ora diripiente un auto a bin di direcion contrario riba dje cu luznan cendi den bright. El a bira su stuur pa evita di dal den e auto y den e maniobra a baha fo’i caminda dal den un pal’i luz.
Afortunadamente e chauffeur no a resulta herida, pero e auto si a haya basta daño parti dilanti. Polisnan a tuma tur dato mientras tabata wardando riba un takelwagen pa bin na e sitio, pa asina takel e vehiculo.
