Algo pasa di 9’or y 50 di diasabra mainta, bispo di pasco, patruya di trafico a bay riba Sasakiweg. poco mas pazuid Tropicana Hotel, caminda lo tabata tin un auto cu lo a bolter. Eynan polis ta bin topa cu un auto cu a bolter, hinca den mondi full paden. Ora cu a bay check cu e chauffeur, esaki a sali ileso for di e accidente. E ta declara cu e tabata bayendo direccion zuid riba e caminda, ora cu dado momento un auto a dal su tras, cu e consecuencia cu el a perde control, baha caminda y a bolter. Daño material ta considerabel. Afordunatamente no tabata tin ningun hende herida.
