Diasabra, algo pasa di 12’or y mey di marduga, polis trafico, hunto cu patruya di Playa a bay na altura di Ruiz Take Away na Tanki Leendert, pa un accidente. Eynan a bin topa cu un Nissan Sentra shinishi, numera A-37603, para kibra banda di e cura di Stern y un Honda Hr-v color preto, numera A-14906, den e rooi na e crusada. A bin resulta cu chauffeur di e Honda a yega para na e crusada, ora cu un Nissan Sentra, coriendo loco loco a yega bin den su banda y dal’,e, mandando e auto den e rooi. Chauffeur di e Sentra a baha na awa for id e luga. Polis a tuma datonan di e susedido. A pidi pa ambulance bin na e sitio pa asina paramediconan por tira un bista riba e dama di e Honda. Mientras tanto cu takelwagen tambe a presenta y hiba e Sentra na warda di Balashi. Daño material ta considerabel.
