Den oranan di marduga pasa di 4or a sosode un accidente riba Sasaki y e chauffeur a scapa. Segun testigonan e chauffeur a caba di pasa e rotonde di Sasaki y despues kizas pa motibonan di veocidad halto y maniobranan a perde control na stuur y bay den scual cu e auto.
Ora a bay den scual a sigui baha caminda na man robez y ranca dos pida beton canto di caminda y bolter. Esnan cu a pasa y mira e auto su so cuater wiel pa laira a bati alarma.
Parce cu tabata tin otro amigo su tras cu otro auto. Ambos tabata bayendo direccion Noord riba Sasaki Weg. E chauffeur di e auto diripente a bolbe na e sitio cu un amigo y coba den e auto gebolter. A saca algun pertenencia y bandona e sitio atrobe den un auto blanco chikito. Polis a yega y haya e auto su so ainda sin e donjo. A mira un takelwagen tambe yega na e sitio. Polis a papia cu e chauffeur di takelwagen y el a splica cu net e tabata pasando ora e cos a pasa. E chauffeur a pidie pa bay cu e auto mesora. Pero el a bisa cu e mester bay coy un auto prome mas ayabanda. Djey el a bin pa esun aki. Polis a tuma tur detaye posibel y djey a bandona e sitio pa sigui atende otro asistencia. E auto Toyota RHD a wordo hiba cu e takelwagen.
