Diadomingo marduga Polis a haci cuater detencion riba cuater homber masha sospechoso cu tabata huy despues di un melding basta sospechoso.
https://www.facebook.com/24ora.aruba/videos/10160327951570001/
Tabata banda di 5or di marduga cu a drenta un informacion na Central di Polis pa manda patruya cu urgencia den direccion di Arashi direccion di Lighthouse. Eynan no por a saca afo kiko exactamente tabata pasando pero nan a djis bisa pa Polis bin awor mesora.
E unidadnan di Noord a cuminsa bay cu urgencia den direccion di Arashi. Prome cu nan a yega ya caba prensa tambe tabata na caminda y a topa cu un Jeep Wrangler color geel cu cuater homber aden saliendo di e area di Arashi. E auto tabata core sin luz y masha sospechoso. Mirando e melding asina stranjo a lora bay tras di e Wrangler cu e cuater hombernan aden. Ora cu a bay nan tras nan a cende luz di e auto y sigui core indicando cu nan ta bezig ta huy. Ora cu nan a mira cu tin auto ta volgnan, nan a trata di baha caminda na man drechi y despues finalmente na man robez. A pasa nan voorbij. Djey nan a subi caminda bek y asina sigui direccion Playa.
A comiunica cu Central di Polis pa splicanan riba e auto sospechoso cu cuater homber aden. Yegando luz di trafico a topa cu e patruya cu luz blauw cendi. Ora cu a para pa duna nan indicacion cu e auto Wrangler ta e auto cu tabata sospechoso y huy, diripente e Wrangler bin accidenta riba e auto di 24ora. Asina mes despues di e impacto e chauffeur kier a huy. Polisnan a sali su tras y logra pare un tiki mas leu di e lugar di e impacto. E chauffeur a baha y Polis a bay riba dje cu man poni riba nan arma reglamentario pa cualkier movecion stranjo. A rondona e auto y pidi tur hende baha y pone man na laira. A pidi tambe pa refuerzo mesora. Asina cu refuerzo a yega a listra tur y pidi pa dogcacathcer. A cuminsa investiga pasobra a drenta informacion cu nan lo a horta telefon tambe di dos dama cu tabata na altura di Arashi y pesey a bati alarma pa nan. Despues di poco splicacion e hombernan a splica cu nan tabata bebe berdad cu e muhernan y un di nan ta su muher. E kiermen e no a horta e telefon pasobra ta su muher un di nan cu a keda atras na Arashi ta. Polis mester a pidi diferente biaha pa nan para keto y tene man na laira riba e auto. Un ocupante dilanti sinta a dal su cabez den e windshield y tabata herida cu sla na cara.
Dogcatcher a presenta y bay cu e prome tresnan. A pidi ambulance pa e di cuater. Despues di basta combersacion di paramediconan, a logra pa e subi ambulance. E tabata pata pata burachi. Den ambulance el a cuminsa haci fastioso y no tabata kier yudanza di paramediconan. A dicidi di detene mesora y asina pidi dogcatcher pa bay cune. Mientrastanto otro patruya a bay Arashi pa mira si ta topa cu e muher of muhernan cu a bati alarma. Na yegada a tende cu nan mes a bay warda di Polis pa atende riba e asunto di telefon. Na e sitio di accidente mester a piki camara cu lens y luznan cu a keda gespat y kibra riba caminda despues di e impacto fuerte. Polis a confisca e Jeep pa investigacion. E jeep su number ta A-28049 y e auto no tabata tin ningun papel. E chauffeur mes a bisa cu e no tin ningun seguro etc. E tabata core cu e auto riba caminda sin documento. Tur cuater homber tabata di Nacionalidad Colombiano cu Venezolano. Nan tabata mustra cada biaha un actitud di no tin ley cu nada. Polisnan a papia fuerte cu nan y mustranan cu aki na Aruba ningun hende tin miedo di nan tampoco y lo atende cada persona cu comete actonan contra ley. E auto di 24ora tambe a wordo transporta cu takelwagen pasobra despues di e impacto fuerte patras no por a core bon mas. Aunke e auto di 24ora tin full seguro, tog e chauffeur cu a ocasiona e accidente mester bay duna cuenta pa cubri e gastonan di e danjo cometi na e auto y camara cu otro ekiponan cu a spat kibra riba caminda pa motibo di e impacto fuerte..
