Diasabra, pa mas of menos 6’or y 45 di atardi, a drenta informacion di un accidente cu a sosode entre un auto y un brommer na altura di JR Autocenter na Noord Cura Cabay. Akinan un motociclista bayendo direccion San Nicolas lo tabata coriendo, tabata bayendo pa pasa un auto, ora cu un auto sin duna señal, a lora dilanti di e brommer, cu e consecuencia cu el a dal den e motociclista, pone cay un bon pida leu, hayando basta sla. E chaffeur di e auto a baha na awa, sin para mira si e motorciclista ta bon of no. Ambulance a yega na sitio pa atende cu e hoben aki, mirando cu tabata keha basta di dolor. Despues di un rato informe a drenta cu a mira e auto cu tabata involvi, na altura di Iglesia Cristo Rey na Brazil, pero polis no a topa cun’e. Algun minuut despues, a bin topa cu e auto Hyundai Sonata color auto A-17389 na altura di un adres na Savaneta. E chauffeur a wordo hiba warda pa haci test di alcohol.
